आईचे दुध बाळासाठी अमृत…!
आईचे दुध आपल्या बाळासाठी अमृत आहे. जन्मतःच बाळाला स्तनपान केले पाहिजे जामुळे बाळ निरोगी राहून त्याची रोगप्रतिकार शक्ती वाढते. अनेक माता गैरसमज बाळगून बाळाला स्तनपान करत नाहीत हि चुकीची बाब आहे. काही सर्वेक्षणातून तर असे लक्षात आले आहे कि अनेक माता आपल्या फिगर च्या काळजी साठी सुद्धा आपल्या बाळाला स्तनपान करत नाहीत. असे केल्यानी त्या खरोखरच जन्मतः आपल्या बाळावर अन्यायच करतात आणि आपल्अया बाळाला त्सेयाच्या हक्कापासून वंचित ठेवतात असे म्हणावे लागेल.
पूर्वीपासून विज्ञानाने स्तनपानाचे महत्व मान्य केले आहे. स्तनपानाचे थोडक्यात महत्व पाहू –
- आईचं दूध हे बाळासाठी अमृत असतं.
- बाळासाठी हे दूध पूर्णान्न आहे.
- आईचं दूध र्निजंतुक असतं. त्यामुळेच बाळाची रोगप्रतिकारक शक्ती वाढण्यास मदत होते.
- पहिल्या दोन-तीन दिवसात येणारे चीक दूध बाळासाठी पौष्टिक असतं.बाळाला 6 महीने पर्यन्त आवश्यक असणारे सर्व पोष्टिक घटक आईच्या दुधात असतात .
- स्तनपान केल्याने स्तन आणि गर्भाशयाचा कॅन्सर होण्याचा धोका खूप प्रमाणात कमी होतो.
- आई आणि बाळाचे नाते भावनिकरीत्या घट्ट होते. बाळ आपल्या आईला खूप लवकर ओळखायला लागते.
- स्तनपान करताना अधिक कॅलरीज वापरल्या जातात. यामुळे नैसर्गिकरित्या वजन कमी होते आणि जाडेपणापासून सुटका होण्यास मदत होते.
- त्याचबरोबर स्तनपान करणे हे नैसर्गिक गर्भनिरोधक आहे.
- रक्तस्त्राव या समस्यांवर लवकर नियंत्रण मिळवता येते.
- स्तनपान केल्याने प्रेग्नेंसीनंतर उद्भवणाऱ्या समस्यांपासून सुटका मिळते.
- मातेच्या दुधामध्ये अनेक पोषक घटकदव्ये असतात , त्यामुळे बालकाचे शारीरिक ,बौद्धिक मेदू तल्लख बनतो , स्मरण शक्ति वाळते ,मानसिक विकास होण्यास स्तनपणमुळे मदत होते.
असे असंख्य फायदे हे स्तनपानाने आईला व बाळाला होतात त्यामुळे सर्व मातांना माझा सल्ला राहील कि आपल्या बाळाला निरोगीठेवाण्यासाठी स्तनपान जरूर करा.
आहारतज्ञ
जया अहेरकर-गावंडे
काळे क्लिनिक आणि स्मिताज इन्फर्टीलीटी सेंटर,
औरंगाबाद